અમરેલી,ધારી,ગીર પંથકમાં કરા સાથે કમોસમી વરસાદ; જગતના તાતની મૂંઝવણ વધી..

માવઠાની આગાહી વચ્ચે અમરેલીના ધારી ગીર વિસ્તારમાં ધોધમાર વરસાદ વરસ્યો હતો. કરા અને ભારે પવન સાથે વરસેલા વરસાદના કારણે ગામની શેરીઓમાં અને નદીઓમાં પાણી વહેતા થઈ ગયા હતા. ફાગણ મહિનાના અંતમાં અષાઢી માહોલ છવાતા ધરતીપુત્રોની ચિંતામાં વધારો થયો છેધારી ગીર વિસ્તારના વાતાવરણમાં પલટો ગુજરાતમાં હવામાન વિભાગ દ્વારા માવઠાની આગાહી કરવામાં આવી છે. ત્યારે આજે ધારી ગીર પંથકમાં આવેલા સુખપુર, કાગસા, ગોવિંદપુર, દલખાણીયા, સરસીયા, જીરા સહિતના ગામોમાં ભારે પવન સાથે વરસાદ વરસ્યો હતો. ધોધમાર વરસાદના કારણે ગામની શેરીઓમાં પાણી વહેતા થયા હતાઅમરેલીના ગીર પંથકમાં ફાગણ મહિનામાં જ અષાઢી માહોલ જોવા મળ્યો હતો. ધારી તાલુકાના ગોવિંદપુર ગામમાં તો થોડી જ વારમાં ભારે પવન સાથે ધોધમાર વરસાદ વરસતા ગામ પાસેથી પસાર થતી નદીમાં પૂર આવ્યું હતું. ગામની શેરીઓમાં પણ પૂરની માફક પાણી વહેતા જોવા મળ્યા હતાજિલ્લામાં માવઠાની આગાહીના પગલે જિલ્લામાં ખેતીપાકને વ્યાપક નુકસાન થવાની ભીતિ વ્યકત કરવામાં આવી રહી છે. માવઠાની આગાહીના પગલે તંત્ર દ્વારા ખેડૂતોને પહેલા એલર્ટ તો કરવામાં આવ્યા હતા. પરંતુ, હજી પણ કેટલાક ખેડૂતોનો તૈયાર પાક ખેતરમાં ઉભો હોય તેને અને કેરીના પાકને પણ માઠી અસર થવાની ભીતિ વ્યકત કરવામાં આવી રહી છે.