સંતરામપુર તાલુકામાં દીપડાના ત્રાસથી ગામડામાં ભયનો માહોલ: ચીતવા ગામે દીપડાના હુમલાથી એક મહિલા ઇજાગ્રસ્ત થયા
- 5:18 pm January 7, 2024
સંતરામપુર તાલુકાના ચીતવા ગામે ગત રાત્રીના બે વાગ્યે ઢાળીયા માં આરામ થી પરીવારજનો સાથે નીંદર માણી રહેલ એક મહિલા પર અચાનકજ દીપડા એ ઢાળીયા માં ધુસી ને હુમલો કરતા સફાળી જાગેલી મહિલા ની બુમાબુમ થી ધરના અન્ય વ્યક્તિ ઓ જાગી જતાં બુમાબુમ થતાં દીપડો ભાગી ગયેલ.આ ઉપરાંત ચીતવા ગામે પારગી ફળીયામાં પણ દીપડા એ બળદ પર હુમલો કરી બળદને ઈજાગ્રસ્ત કરેલ હતો. ગત મોડી રાત્રે અચાનકજ ધરના ઢાળીયા માં ધસી આવેલ દીપડા એ તેનો પંજો મહીલા કવિતાબેન રાજેશભાઈ કટારા નાં મોંઢા પર ને માથામાં મારતાં મહીલા ને ઈજા પહોંચી હતી.
ઈજાગ્રસ્ત હાલતમાં મહિલા ને સારવાર અર્થે પ્રથમ સંતરામપુર ખાનગી હોસ્પિટલમાં લઈ જવાયા હતા ને પછી વધુ સારવાર અર્થે સંતરામપુર સરકારી હોસ્પિટલમા લઈ જવામાં આવી હતી અને હોસ્પિટલમાં સારવાર આપવામાં આવી હતી. આ ધટના સંબંધી સંતરામપુર પોલીસ મથકે ને જંગલ ખાતા ને પણ જાણ કરાતાં જંગલ ખાતા નો સ્ટાફ ધટના સ્થળે દોડી ગયેલ ને જરૂરી કાર્યવાહી હાથ ધરવામાં આવેલ હતી.
સંતરામપુર પોલીસે આ ઘટનામાં હાલ જાણવા જોગ નોંધ કરી ને આગળની કાર્યવાહી હાથ ધરી છે. આ આદમખોર દીપડા ને જબ્બે કરવા માટે ની ગ્રામજનો ની પ્રબળ માંગ ઉઠી છે ત્યારે વનવિભાગ દ્વારા ત્વરીત જરૂરી કાર્યવાહી કરે ને દીપડા ને જબ્બે કરવા પાંજરા ગોઠવવામાં આવે તેવી માંગણી ઉઠી છે.