સરકારી પ્રોજેક્ટમાં સંપાદિત જમીન વળતરની રકમથી નારાજ ખેડૂતોએ વિરોધ પ્રદર્શન કર્યું

Previous Next

32 ગામના લોકોએ ચૂંટણી કાર્ડ જમા કરાવી ચૂંટણી બહિષ્કારની ચીમકી ઉચ્ચારી છે

ભરૂચ જિલ્લા કલેકટર કચેરીએ ચુસ્ત પોલીસ બંદોબસ્ત ખડકાયો

ભરૂચ જિલ્લામાં એક્સપ્રેસ વે બુલેટ ટ્રેન બાડભૂત બેરેજ યોજના નિર્માણ માટે જમીન ગુમાવનાર ખેડૂતો લાંબા સમયથી વળતરની રકમને લઈ આંદોલનના માર્ગે વળ્યાં છે. આ પહેલા પણ ખેડૂતોની કમિટી દ્વારા કેન્દ્રીય મંત્રી નીતિન ગડકરી સાથે મિટિંગ કરવા છતાં પણ સમસ્યાનો હલ ન આવતા હવે વિવાદ વકર્યો છે.ખેડૂતો અપેક્ષિત વળતરની માંગણીને લઈ મક્કમ છે તો સરકાર પણ કોઈપણ સંજોગોમાં વહેલી તકે એક્સપ્રેસ વે, બુલેટ ટ્રેન ભાડભૂત બેરેજ યોજના ની કામગીરી પૂર્ણ કરવાના મૂડમાં છે. સરકાર સામે વિરોધ પ્રદર્શિત કરવા આજે મોટી સંખ્યામાં ખેડૂતો ભરૂચ જિલ્લા કલેકટર કચેરીએ ભરૂચ કલેકટરને 32 ગામના ખેડૂતોએ પોતાના ચૂંટણી કાર્ડ જમાં કરાવી ચૂંટણી બહિષ્કાર કરવાની ચીમકી ઉચ્ચારી આવેદનપત્ર પાઠવ્યો હતું..ભરૂચ જિલ્લાના હાંસોટ , અંકલેશ્વર અને આમોદમાં સહિત ના 32 ગામોના  ખેડૂતો ભરૂચ પહોંચતા મોટી સંખ્યામાં પોલીસ બંદોબસ્ત ગોઠવી દેવામાં આવ્યો હતો. ઉલ્લેખનીય છે કે  ભરૂચ જિલ્લાના ખેડૂતો લાંબા સમયથી જમીનના  વળતરની માંગણીને લઈ લડત કરી રહ્યા છે.અન્ય જિલ્લાઓમાં કોઈ સમસ્યા નથી પરંતુ ભરૂચ જિલ્લાના ખેડૂત વળતરની રકમને લઈ અસંતોષ વ્યક્ત કરી આવનારી 2024 લોકસભાની ચૂંટણીમાં નેતાઓ અને અધિકારીઓને ગામમાં પ્રવેશવા પર પ્રતિબંધ ફરમાવીને ઉઘરા વિરોધ કર્યો હતો.