- 10:04 pm July 26, 2023
સુરત,
લોકોના વેરાના પૈસાનો સૌથી વધુ દુરુપયોગ બાંકડાની ગ્રાન્ટનો થાય છે તેનો વધુ એક કિસ્સો રાંદેર ઝોનમાં રામનગર વિસ્તારમાં બહાર આવ્યો છે. પાલિકાના એ.કે,.રોડ ડિંડોલી અને જહાંગીરપુરા બાદ રામનગરની સોસાયટીમાં ઘરના ટેરેસ પર બાંકડા મૂકી દેવાનો વિડીયો સોશિયલ મિડીયામા વાયરલ થયો છે. આ અંગેની જાણ થતાં કોર્પોરેટર કૃણાલ સેલરે બાંકડા ઉતારી જાહેર જગ્યાએ મુકવા સુચના આપી છે. જોકે, જે રીતે બે બાંકડા વચ્ચે ટેબલ મુકાયા છે તે જોતાં પાર્ટી માટે ઉપયોગ થયો હોવાની ચર્ચા જોરશોરમાં થઈ રહી છે. સુરત પાલિકા વિસ્તારમાં પાલિકાના બાંકડા જે રીતે કોર્પોરેટર અને કોર્પોરેટરના સગા તથા ખાનગી દુકાનોમાં જોવા મળી રહ્યાં છે તેના કારણે લોકોના ના વેરા ના પૈસા નો સૌથી વધુ દુરુપયોગ બાંકડાની ગ્રાન્ટનો થાય છે બહાર આવી રહ્યું છે. પાલિકા દ્વારા જે બાંકડા મુકવામા આવે છે તેના સ્થળ ની તપાસ કરાવવામા આવે તો બાંકડા ફાળવણીમાં કૌભાંડ થયું હોવાની ચાડી ખાઈ રહી છે આ પહેલાં સુરત મહાનગરપાલિકાના વોર્ડ નંબર ચાર ના કોર્પોરેટર ઘનશ્યામ મકવાણા એ પાલિકાની ગ્રાન્ટના બાંકડા ટેરેસ પર ચડાવી દીધા હતા. ત્યાર બાદ ડિંડોલી વિસ્તારમાં આવેલી શ્રધ્ધા સોસાયટીમાં કોર્પોરેટરના સગા ના ઘરે ટેરેસ પર બાંકડામુક્યા હોવાનો વિડીયો પણ વાયરલ થયો હતો. આ ઘટના બાદ પણ પાલિકાની નબળી કામગીરીના કારણે સુરતના જહાંગીરપુરા વિસ્તારમાં બોક્સ ક્રિકેટ અને રેસ્ટેરન્ટના વેઈટીંગ એરિયામાં પાલિકાના બાંકડા મુકી દેવાયા હતા.પાલિકાના કોર્પોરેટર અને ધારાસભ્યની ગ્રાન્ટમાંથી જાહેર જગ્યા માટે લોકપયોગી થાય તે માટે મુકવામા આવેલા બાંકડા ખાનગી રીતે ઉપયોગ થયા હોવાની ફરિયાદ વચ્ચે આજે રાંદેર ઝોનના રામનગર વિસ્તારમાં મોજે જહાંગીરાબાદમા આવેલી અંબિકાનગર સોસાયટીના એક મકાનના ટેરેસ પર બાકડાં પહોંચી ગયા હતા. આ બાંકડાનો પણ વિડિયો વાઈયરલ થયો છે અને જે રીતે ટેરેસ પર બે બાંકડા વચ્ચે ટેબલ મુકાયા છે તે જોતાં પાર્ટી માટે ઉપયોગ થયો હોવાની ચર્ચા થઈ રહી છે. સોશ્યલ મિડિયા પર બાંકડા જોતાં તે બાંકડા કોર્પોરેટર કૃણાલ સેલરનીગ્રાન્ટમાંથી મુકવામા આવ્યા હતા. આ માટે સોસાયટી તરફથી બાંકડાની માગણી કરતો પત્ર પણ લખવામા આવ્યો છે. સોસાયટીને આપવામા આવેલા બાંકડા લોકોના ઘરના ટેરેસ પર કેવી રીતે પહોંચી ગયા તે તપાસનો વિષય છે. જોકે, કોર્પોરેટર કૃણાલ સેલરે બાંકડા ઉતારી જાહેર જગ્યાએ મુકવા સુચના આપી દીધી છે.