- 8:13 pm July 28, 2023
મહિસાગર,
ઓનલાઇન છેતરપિંડી કરતી ગેંગ હવે મહીસાગર જિલ્લાના ગ્રામ્ય વિસ્તારોમાં સક્રિય થઈ હોવાનું જોવા મળે છે. ગામડાઓમાં આદિવાસી ભોળી પ્રજા સરળતાથી ભોળવાઈ જતી હોઈ ચીટરો દ્વારા ગ્રામ્ય વિસ્તારોને ટાર્ગેટ કરવામાં આવી રહ્યા છે કડાણા તાલુકામાં આંગણવાડીના લાભાર્થી ઓને મોબાઈલ કોલ કરી ICDS શાખાના કર્મચારીઓની ઓળખ આપી સગર્ભા બહેનોને ઓનલાઇન સહાય મળતી હોવાનું કહી ગુગલ પે ઉપર રિક્વેસ્ટ મોકલી તેમના એકાઉન્ટ માંથી રૂપિયા ખખેરવામા સાઇબર ગઠિયાઓ સફળ થયા હતા. તાલુકામાં પાછલા દસ દિવસમાં ગઠિયાઓ દ્રારા લાભાર્થીઓને કોલ કરવામાં આવી રહ્યા છે. જેમાં તાલુકાના માલવણ અને નાના રાજનપુર ગામની સગર્ભા બહેનો ભોળવાઈ જતા શિકાર બની હતી ગાંઠિયાઓ દ્વારા ICDS શાખામા અપાતી સગર્ભા બહેનોની ગુપ્ત માહિતી મેળવી તેમના આધાર કાર્ડ બેન્ક ડીટેલ અને પ્રેગનેન્સી ની અંગેની તમામ માહિતી મેળવી લાભાર્થીઓને સંપૂર્ણ વિશ્વાસમાં લેવામાં આવે છે અને ત્યારબાદ તેમના મોબાઈલ નંબર ઉપર રિક્વેસ્ટ મોકલી નાણા ખંખેરવામાં આવે છે
કડાણા નાં માલવણ તેમજ ગોધર ગામોમાં લાભાર્થી પર એક વ્યક્તિનો કોલ આવ્યો હતો ગાંધીનગર ICDS શાખા માંથી બોલું છું કહીને ઓનલાઇન સહાય આપવાનું કેહતા લાભાર્થી એ ગુગલ પે નંબર આપ્યો હતો ગઠિયા દ્વારા ગુગલ પે એપ્લીકેશન ખોલવાનું કહી રિક્વેસ્ટ મોકલી હતી રિક્વેસ્ટ કરતા જ લાભાર્થીના ખાતામાંથી રૂપિયા ઉપડી ગયા હતા. નાના રાજનપુર ગામની સગર્ભા બહેનના કિસ્સામાં પણ આ જ રીતે ઓનલાઇન છેતરપંડી આચરવા મા આવી હતી અન્ય લાભાર્થીઓ ઉપર પણ અજાણ્યા વ્યક્તિના કોલ આવ્યા હતા પરંતુ આ લોકો ગાંઠિયાઓની વાતમાં ન આવતા ઓનલાઇન છેતરપિંડીનો ભોગ બનતા અટક્યા હતા કડાણા તાલુકામાં ઓનલાઇન છેતરપિંડી બનાવો બની રહ્યા છે પરંતુ આ બાબતે પોલીસ ફરિયાદ હજુ કરાઈ નથી પરંતુ છેતરપિંડીનો ભોગ બનેલા સગર્ભા બહેનો અને તેમના પરિવાર સાયબર ક્રાઇમના ભોગ બન્યા હોવાનુ જાણવા મળે છે.
ICDS શાખાના લાભાર્થીઓની વિગતો ગાંઠિયાઓ પાસે કેવીરીતે પોહચી તે એક તપાસ નો વિષય બન્યો છે.ઓનલાઇન છેતરપિંડી કરતા ગાંઠિયા ઓ પાસે icds લાભાર્થી સગર્ભા બહેનોના આધારકાર્ડ બેંક ડીટેલ અને પ્રેગ્નેન્સી અંગેની ગુપ્ત માહિતીઓ હોવાનું જોવા મળ્યું હતું ICDS શાખામાં આપવામાં આવતી માહિતીઓ ચિટરો પાસે કઈ રીતે પહોંચી તે બાબતે તપાસ થાય તે જરૂરી છે.